Føroya Kærustovnur
Føroya Kærustovnur er fyrisitingarmyndugleiki, fevndur av fyrisitingarlógini, og virkar óheftur av landsfyrisitingini. Virksemið hjá Føroya Kærustovni er grundað á meginregluna um, at øll eru líka og hava sama rætt sambært lógini. Føroya Kærustovnur virkar fyri, at rættar avgerðir verða tiknar stundisliga.
Kæruvegleiðing
Avgerðir hjá Posteftirlitinum tiknar við heimild í løgtingslóg um postvirksemi ella reglum, settum við heimild í lógini, kunnu kærast til Føroya Kærustovn. Kærufreistin er 4 vikur frá tí degi, kærarin fekk kunnleika til avgerðina.
Møguligar kærur skulu sendast til:
Føroya Kærustovn
Undir Hornabakka
Postboks 45
FO-110 Tórshavn
T-postur: fks@fks.fo
Kærast skal vera skrivlig eins og tað so vítt møguligt skal vera grundgivið fyri kæruni. Avrit av kærdu avgerðini skal leggjast við, umframt møgulig onnur skjøl av týdningi fyri kæruna.
Kæra hevur ikki steðgandi virknað uttan so, at hetta er ásett í aðrari lóggávu. Um serligar umstøður tala fyri tí, kann Føroya Kærustovnur gera av, at ein kæra fær steðgandi virknað.
Les meira um Føroya Kærustovn á heimasíðuni www.fks.fo.